Thursday, February 06, 2014

شەوی کوردستان له‌ ئه‌مریكا بەرێوەچوو.


  1. شەوی کوردستان له‌ ئه‌مریكا بەرێوەچوو.

    رەحیم رەشیدی (باسنیوز) واشنتن

    بە مەبەستی زیاتر لێک نزیک کردنەوەی نەتەوەکان، له‌ شاری لۆس ئه‌نجلس سه‌ر به‌ ویلایه‌تی كالیفۆرنیا له‌ ئه‌مه‌ریكا، شه‌وی كوردستان به‌ڕێوه‌چوو.
    ئەو رێورەسمە كه‌ رۆژی 28-1 مانگى رابردوو لە ناوەندی پێڕاگەیشتنی گەوره‌ ساڵانی نەتەوەیی لە شاری لۆس ئه‌نجلس بەرێوەچوو، مەبەست لێى رەخساندنی کەش و هەوای لەبار بۆ رێزگرتنی نەتەوە جۆراوجۆرەکانی بەشدار و چالاک لەو ناوەندەدا ساز درابوو، یەکەمین بەرنامەی ناوەندەکە بۆ کورد تەرخان کراو بەم بۆنەوە شەوی کوردستان بەرێوەچوو.
    دوکتۆر سورەیا فەلاح، چالاکی مافی مرۆڤ، سەبارەت بە جوگرافیا، مێژوو، کولتوور و شارستانیەتی کوردستان قسەی کردو دواتر سەبارەت بە زمان، ئایین، داب و نەریتی کوردی لە نێوچە جیاجیاکانی کوردستان و پەلهاوێشتنی ئەو شارستانیەتە بۆ وڵاتانی جۆراوجۆر لە رۆژهەڵاتی ناوین، قسەی کرد.
    شوێنی بەرێوەچوونی رێورەسمەکە، بە شتومەکی کولتووری و کەلەپووری کوردەواری ڕازبووەوه‌، هەروەها گۆرانی و ڕەشبەڵەکی کوردەواریش چێژێکی دیکەی بە شەوی کوردستان لە نێو بیانییەکان دا بەخشی بوو.