Monday, June 29, 2009

سوره‌یا فه‌لاح سه‌باره‌ت به‌ چالاکی ئێرانیـیانی دانیشتووی لۆس ئه‌نجلس ده‌دوێت

سوره‌یا فه‌لاح سه‌باره‌ت به‌ چالاکی ئێرانیـیانی دانیشتووی لۆس ئه‌نجلس ده‌دوێت

29/06/2009

Sureya Falah

سـوره‌یا فه‌لاح

پاش ئه‌وه‌ی هێزه‌کانی حکومه‌تی ئێران هه‌سـتان به‌ به‌کارهێنانی هێز بۆ ڕاگرتنی ئه‌و خۆپـیشـاندان و ڕێـپـێوانانه‌ی سـازده‌کران له‌ دژی ئه‌نجامی هه‌ڵـبژاردنه‌کان، ئێرانیـیه‌کانی دانیشـتووی شـاری لۆس ئه‌نجلسی ویلایه‌تی کالیفۆرنیا ده‌سـتیان کرد به‌ چه‌ندین چالاکی جۆراوجۆر بۆ پشـتیوانیکردن له‌ خه‌ڵـکی خۆیان و ده‌ربڕینی ناڕه‌زایی به‌رامبه‌ر به‌ حکومه‌تی کۆماری ئیسلامی که‌ به‌ شـێویه‌کی دڕندانه‌ که‌وته‌ گیانی خۆپـیشـانده‌رانه‌وه‌.

له‌و باره‌یه‌وه‌ هاوکارمان جانی دیلان گفتوگۆی له‌گه‌ڵ سـوره‌یا فه‌لاح به‌رپـرسی مافی ژنانی کورد له‌ ئه‌مه‌ریکا و کۆمه‌ڵه‌ی مافه‌کانی مرۆڤ له‌ باشوری کالیفۆرنیا کردووه‌.

ده‌توانن گوێبیسـتی ده‌قی گفتوگۆكه‌ بن له‌ ڕێـگه‌ی كلیـكـكردنی ئه‌و فایله‌ ده‌نـگیـیانه‌ی ده‌سته‌ چه‌پ‌، ماوه‌كه‌ی 8:21 خوله‌كه‌.


Download ده‌قی گفتوگۆكه‌
دابگره (MP3)
Listen to This Report ده‌قی گفتوگۆكه‌
گوێبگره (MP3)
Download ده‌قی گفتوگۆكه‌
دابگره (Real)
Listen to This Report ده‌قی گفتوگۆكه‌
گوێبگره (Real)
E-mail This Article ئه‌‌م ڕاپۆرته ئیمه‌یڵ بكه
Print This Article بۆ چاپكردن

مانگرتنه‌كه‌ سه‌راسه‌ریه‌كه‌ی كوردستان له‌ ده‌روازه‌ی سه‌قزه‌وه‌ ده‌ستی پێكرد(نوێ كرایه‌وه‌)




ره‌وانیوز –سه‌قز2009/6/23


دوابه‌داوی داوای زیاتر 20 حزب و رێكخراوی سیاسی و كولتووری و كۆمه‌ڵایه‌تی رۆژهه‌ڵاتی كوردستان بۆ مانگرتنی سه‌راسه‌ری سه‌باره‌ت به‌ پشتگیریكردنی خه‌باته‌ مه‌ده‌نیه‌كه‌ی تاران و ده‌ڕبڕینی ناڕه‌زایه‌تی به‌ ئه‌نجامی هه‌ڵبژاردنه‌كانی ده‌یه‌مین خولی سه‌رۆك كۆماری، خه‌ڵكی شاری سه‌قز رۆژی سێ‌ شه‌مه‌ییان به‌داختسنی دووكان‌و بازاڕه‌كانه‌وه‌ ده‌س پێكرد.
به‌پێی ئه‌و هه‌واڵانه‌ی هه‌واڵنێری تایبه‌تی ره‌وانیوز له‌شاری سه‌قزه‌وه‌ بۆی ناردووین، ئه‌مڕۆ سێ‌ شه‌مه‌ سه‌رجه‌م بازاڕه‌كانی سه‌قز له‌وانه‌ تاریكه‌بازاڕ و بازاڕی ناسراو به‌ قازاخانه‌‌و دووكانه‌كانی بازاڕه‌كانی مه‌یدانی هه‌ڵۆ داخراون.

هه‌مان سه‌رچاوه‌ به‌ ره‌وانیوزی راگه‌یاند له‌وانه‌یه‌ چه‌ند كاتژمێرێكی تر به‌شێك له‌ چالاكانی سیاسی‌و مه‌ده‌نی ئه‌وشاره‌ له‌ مه‌یدانی سه‌ره‌كی شار(هه‌ڵۆ)كۆبوونه‌وه‌یه‌كی ئارام ده‌ست پێ‌ بكه‌ن.
به‌ پێی تازه‌ترین هه‌واڵی هه‌واڵنێرانی ره‌وانیوز له‌ شاری سه‌قزه‌وه‌ كه‌ ئێستا كاتژمێر 5ی ئێواره‌ بة كاتي كوردستاني ئيَران به‌ده‌ستتمان گه‌شتووه‌، خه‌ڵكی ئه‌و شاره‌ له‌ كاتژمێر 12ی نیوه‌ڕۆی ئه‌مڕو سێ شه‌مه وه‌‌ سه‌رجه‌م دووكان و بازاڕه‌كانیان داخستووه‌.
ره‌وانیوز تازه‌ترین هه‌واڵه‌كانی مانگرتنی سه‌راسه‌ری كوردستان بۆ پشتگیری خه‌باتی مه‌ده‌نی ئێران پێ‌ ده‌گه‌یه‌نێت.

saghez_mangerten01.jpg saghez_mangerten02.jpg saghez_mangerten03.jpg

http://www.rawanews.com/details.aspx?=News&ID=505&Babat=1 Source