Monday, April 27, 2009

سوره‌یا فه‌لاح :ێـکخراوی که‌مپینی یه‌ک ملیۆن ئیمزا خه‌ڵات ده‌کرێت



27/04/2009

ڕێکخراوی جیهانی مافه‌کانی ژنان‌ سـاڵانه‌ خه‌ڵاتی ئه‌و کۆمه‌ڵ و که‌سـانه‌ ده‌کات که‌ له‌ پـێناو مافه‌کانی

Sureya Falah

سوره‌یا فه‌لاح

ژنان تێـکۆشـاون. ئه‌مسـاڵ خه‌ڵاتی ڕێـکخراوی که‌مپینی یه‌ک ملیۆن ئیمزا بۆ گۆڕان و یه‌کسـانی له‌ ئێراندا ده‌کات.

خانم سوره‌یا فه‌لاح یه‌کێـکه‌ له‌ بزاڤکه‌رانی ئه‌و ڕێـکخراوه‌، بڕیاره‌‌ له‌ پێشـکه‌شـکردنی خه‌ڵاته‌که‌دا له‌ 29 ی ئه‌م مانگه‌ به‌شـداری بکات.

له‌و باره‌یه‌وه‌ هاوکارمان جانی دیلان گفتوگۆی له‌گه‌ڵدا کردووه‌، ده‌توانن گوێبیسـتی بن له‌ ڕێـگه‌ی كلیـكـكردنی ئه‌و فایله‌ ده‌نـگیـیانه‌ی ده‌سته‌ چه‌پ‌، ماوه‌كه‌ی 7:26 خوله‌كه‌.

Saturday, April 25, 2009

به‌همه‌نی قوبادی: رۆكسنا ده‌ستگیرانمه‌ و بێ تاوانه‌


ده‌نگوباس- به‌همه‌نی‌ قوبادی‌ ده‌رهێنه‌ر و سینه‌ماكاری‌ به‌ناوبانگی‌ كورد له‌ نامه‌یه‌كی‌ كراوه‌دا داوا له‌ هه‌موو ده‌سه‌ڵاتدارانی‌ سیاسی‌ كۆماری ئیسلامی ئیران ده‌كات رۆكسانا سابیری‌ رۆژنامه‌نوسی ئه‌مریكی به‌ره‌گه‌ز ئێرانی ئازاد بكرێت و ده‌شڵێت: "رۆكسانا ده‌ستگیران و هاوڕێمه‌".

قوبادی‌ له‌ سه‌ره‌تای‌ نامه‌كه‌یدا ده‌نووسێت: ئه‌گه‌رتا ئێستا بێده‌نگ بووم، ئه‌وه‌ له‌به‌ر ڕۆكسنا بووه‌. ئێستاش كه‌ قسه‌ده‌كه‌م دیسانه‌وه‌ هه‌ر له‌به‌ر رۆكسانایه‌".


قوبادی‌ دوێنێ‌ سێ شه‌ممه‌ بلاَوكردووه‌ته‌وه‌ ئه‌م نامه‌یه‌ی‌ و تێیدا ڕۆكسانا به‌ كچێكی‌ زیره‌ك و به‌تواناو ناوده‌به‌ت و ده‌ڵێت: له‌31ی كانوونوی دووه‌می ئه‌مساڵ‌ كه‌ ڕۆژی‌ له‌دایكبوونم بوو، ته‌له‌فونی‌ بۆ كردم و وتی‌ له‌به‌ر جه‌ژنی‌ له‌دایكبوونت دێم بۆ لات تاكو بڕۆینه‌ ده‌ره‌وه‌، به‌ڵام نه‌هات... ته‌له‌فونم بۆ موبایله‌كه‌ی‌ كرد داخرابوو، یه‌ك دوو ڕۆژێك نه‌مزانی‌ چی‌ ڕوویداوه‌. چووم بۆ ماڵه‌كه‌ی‌ له‌به‌رئه‌وه‌ی‌ كلیلی‌ یه‌كترمان پێبوو ده‌رگاكه‌م كردووه‌ و چوومه‌ ژووره‌وه‌ به‌ڵام له‌وێ‌ نه‌بوو....له‌ دوای دوو ڕۆژ ته‌له‌فونی‌ بۆ كردم و وتی‌: بمبوره‌ ئازیزم ناچاربووم بڕۆم بۆ زاهیدان. منیش توڕبووم وتم: بۆچی‌ پێت نه‌وتووم؟ وتم باوه‌ڕ ناكه‌م، دووباره‌ وتی‌: ببووره‌ ئازیزم ئاچاربووم. ته‌له‌فونه‌كه‌ پچڕاو چاوه‌ڕێم كرد بۆم بكاته‌وه‌، به‌ڵام نه‌یكرده‌ووه‌. پاش چه‌ند ڕۆژێك له‌ دوای‌ ئه‌وه‌ی‌ به‌ هه‌موو ئۆتێله‌كانی‌ زاهیداندا گه‌ڕام نه‌مدۆزییه‌وه‌، پاشان باوكی‌ پێی‌ وتم: ده‌ستگیركراوه‌".


به‌رله‌وه‌ ڕاگه‌یاندنه‌كانی‌ ئێران بڵاویان كردبۆوه‌: "ڕۆكسنا به‌ تۆمه‌تی‌ كڕینی‌ بوتڵێك شه‌راب له‌ لایه‌ن پۆلیسی‌ كۆماری‌ ئیسلامییه‌وه‌ گیراوه‌".


رۆكسانا به‌ تۆمه‌تی‌ سیخوری‌ بۆ ئه‌مریكا دادگایكرا و به‌ 8 ساڵ زیندانی‌ حكوم درا. ده‌سه‌لاَتی‌ ئێرانی‌ به‌ر له‌ تۆمه‌تی‌ سیخوری‌ بۆ ئه‌مریكا، سابیریان به‌هۆی‌ به‌سه‌رچوونی‌ مۆڵه‌تی‌ ڕۆژنامه‌وانیه‌وه‌ گرتبوو.


به‌همه‌ن له‌ نامه‌كه‌یدا ده‌نووسێت: ڕۆكسانا له‌و قسانه‌ پاكتر و بێ‌ تاوانتره‌.من چه‌ندین ساڵه‌ ده‌یناسم بۆیه‌ ئه‌م قسانه‌ ده‌كه‌م. هه‌میشه‌ خه‌ریكی‌ خوێندنه‌وه‌ و لێكۆلێنه‌وه‌كانی‌ بووه‌ نه‌ك شتێكی‌ تر. ئاخر چۆن ده‌كرێت كه‌سێك كه‌ هه‌ندێك ڕۆژ له‌به‌ر من نه‌بووایه‌ نه‌ده‌هاته‌ ده‌ره‌وه‌، كه‌سێك كه‌ وه‌ك ژاپۆنیه‌كان به‌دوای‌ شته‌كاندا ده‌گه‌ڕا و هه‌ندێجار به‌ زه‌حمه‌ت خه‌رجی‌ ژیان و كاره‌كانی‌ ده‌رده‌هێنا، كه‌سێك كه‌ ده‌رگابه‌ده‌رگا به‌ دوای‌ دلسۆزێكدا ده‌گه‌ڕا كه‌ چاپخانه‌یه‌كی‌ ناوخۆیی‌ پێ بناسێنێ‌ تاكو كتێبه‌كه‌ی‌ بلاَو بكاته‌وه‌ ، كه‌چی‌ ئێستا به‌ سیخوڕی‌ تۆمه‌تبار بكرێت؟!


به‌همه‌ن ده‌نوسێت "ڕۆكسنا به‌ نیازبوو بۆ ئه‌مریكا بگه‌ڕێته‌وه‌، به‌ڵام من پێداگریم كرد نه‌ڕواته‌وه‌ تاكو فیلمه‌ تازه‌كه‌م ته‌واو بكه‌م، به‌ڵام ئه‌م ڕووداوه‌ ڕویدا".


Source:http://www.dengubas.net/